Версия для слабовидящих
Главная Регистрация Вход
Приветствую Вас, Гость · RSS
Главная
Прием в 1 класс
Форма входа
ЕГЭ
ГИА-9
ВОШ
ТЕЛ. ДОВЕРИЯ ГИА
Первый учитель
Закон об обр.
Официальный информационный портал Республики Саха (Якутия)
МО РФ
МО РС(Я)
МО "Намский улус"
Портал обр. услуг
bus.gov.ru
Статистика

Онлайн всего: 1
Гостей: 1
Пользователей: 0
 
Главная » 2019 » Март » 19 » “ЭҤСИЭЛИ ХОЧОТУН ИСТОРИЯТА - XVII ҮЙЭТЭЭҔИ НУУЧЧА ДОКУМЕННАРЫГАР” – КҮҮТҮЛЭЭХ КИНИГЭ
08:53
“ЭҤСИЭЛИ ХОЧОТУН ИСТОРИЯТА - XVII ҮЙЭТЭЭҔИ НУУЧЧА ДОКУМЕННАРЫГАР” – КҮҮТҮЛЭЭХ КИНИГЭ

Бу дьыл кулун тутар 16 к. Үөрэх управлениетын актовай заалыгар Борисов Андриан Афанасьевич Россия наукаларын академиятын Сибиирдээҕи салаа гуманитарнай чинчийии уонна хотугу аҕыйах ахсааннаах омуктар проблемаларын институтун сүрүн научнай сотруднига, история билимин дуоктара кыттыылаах көрсүһүү буолла. Андриан Афанасьевич саха омук этнографиятын, социальнай уонна этническай историятын чинчийэн үөрэтэр, элбэх научнай үлэ, кинигэ автора. Көрсүһүүгэ музей үлэһиттэрэ, история учууталлара, олохтоох краеведтар, общественность “Эҥсиэли хочотун историята  - XVII үйэтээҕи нуучча докуменнарыгар” диэн кинигэ бэлэмнэнэн тахсарын туһунан иһиттилэр, бэйэлэрин санааларын үллэһиннилэр уонна сэҥээрдилэр.

“Эҥсиэли хочотун историята  - XVII үйэтээҕи нуучча докуменнарыгар” кинигэ хас биирди Эҥсиэли хочотун олохтооҕор дириҥ суолталаах буолар, тоҕо диэтэргин кинигэ ааҕааччыга киэнник биллэ илик историческай докумуоннарга олоҕурбут, саҥа өйдөбүллэри уонна көрүүлэри билиһиннэриэҕэ.    

Эҥсиэли хочотун историята биллэрин курдук дириҥ, билигин да элбэх биллибэт уонна сэбиэскэй былаас призматын нөҥүө олохтоммут көрүүлэрдээх, быһаарыылардаах. Холобур, Мымах кинээс аата, саха сирин историятыгар билиҥҥи кэмҥэ дылы үчүгэйдик уонна суолталаахтык ааттаммат.  

Бастакы Лениэскэй остуруок  билиҥҥи иккис Хомустаах нэһилиэгэр Буойун диэн сиргэ олохтоммутун республика олохтооҕо барыта билэр, бу туһунан элбэхтик сырдатыллыбыта. Ол гынан баран, сөптөөх научнай, историческай быһаарыы суох. Чуолаан сахалартан кимнээх бастакы остуруок тутуутугар, туох санаанан салайтаран маннык быһаарыныыны ылбыттарын туһунан  “Эҥсиэли хочотун историята  - XVII үйэтээҕи нуучча докуменнарыгар” кинигэ сиһилии тиэрдиэҕэ.

 Өссе 1980-с сс. биһиги биллэр краеведпыт Терентий Иванович Замятин Суоттуга баар Дружба музейын тутуллар кэмигэр, бастакы остуруок Намҥа 2 Хомустаахха Буойун учаастагар 1632 с. П.Бекетовынан тутуллубута диэн эмиэ музей тутуутун туруорса сылдьыбыта.  

2002 с. саҕалаан биһиги краеведпыт Ульяна Дмитриевна Сивцева кыраайы үөрэтэр авторскай проектарын үлэлэтэр. “Ленский острог – форпост в освоении север-востока Азии”,  “Исторические личности Намского улуса в XVII веке: князь Мымах и его сыновья” программалар нөҥүө элбэх экспедициялар тэриллибиттэрэ, конференциялар ыытыллыбыттара, государственнай архив докумуоннара үөрэттилибиттэрэ. Программалар научнай консультаннарынан профессор Иванов Василий Николаевич, история билимин дуоктара Борисов Андриан Афанасьевич, история билимин кандидата Петров Пантелеймон Пантелеймонович-Хардыы буолаллар. 2002 с. Буойун сиригэр Евгений Карлович Прокопьев Мэҥэ Таас туруорбута. 2007 с. Троицкай часовняны биир дойдулаахпыт Тимофеев Ньургун Семенович, 2017 с. 2-Хомустаах нэһилиэгэ нуучча дьиэтин уонна саха балаҕанын туппуттара.          

“Эҥсиэли хочотун историята  - XVII үйэтээҕи нуучча докуменнарыгар” кинигэ 2013с.Ульяна Дмитриевна Москваттан (Российский государственный архив древних актов) баран ый аҥара үлэлээн аҕалбыт оҥоһуллан тахсар. Бу источниктар старославянскай тылынан суруллубуттар, ону Андриан Афанасьевич бэйэтэ кириллицаҕа көһөрөн уонна ааҕааччыга тийимтиэ буоллун диэн сөптөөх комментарийдаан кинигэҕэ киллэрдэ.

Материал барыта түмүллэн “Эҥсиэли хочотун историята  - XVII үйэтээҕи нуучча докуменнарыгар” кинигэ макета бэлэмнэннэ. Нам улууһун Баһылыга Юрий Иннокентьевич Слепцов былыр бастакы государственность Нам улууһуттан саҕаламмытын туһунан уонна Нам кинээһэ Мымах Намов, кини уолаттара  государственнай тутулу олохтоспут саха сириттэн биир уһулуччуулаах бастыкы салаайччыларынан буолалларын көрдөрөр  архыып матырыйаалларыттан таҥыллыбыт кинигэ тахсарын өйөөтө уонна үбүлүүргэ ылынна. Андриан Афанасьевич уонна Ульяна Дмитриевна Үөрэх управлениетын начальнигар Екатерина Владимировна Ядрееваҕа маннык суолталаах, санаа атастаһылаах көрсүһүүнү өйөөбүтүгэр махталларын тиэрдэллэр.   

Бэлэмнээтэ Шарапова Елена Ивановна

 

Просмотров: 45 | Добавил: metodnam | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Copyright MyCorp © 2019
Поиск
Block title
  • Телефон доверия по России: +7(495)104-68-38
  • "Телефон доверия" ГИА по РС(Я): 8(4112)42-10-28
  • "Телефон доверия" по Намскому улусу: 41-788
  • Телефон "горячей" линии по России: +7(495)984-89-19
  • Телефоны "горячей" линии по РС(Я): ЕГЭ 8(4112)42-10-46; ОГЭ 8(4112)42-10-48;
  • Телефоны "горячей" линии по Намскому улусу: 42-563; 43-099; 42-364
  • Телефон Департамента по соблюдению законодательства проведения ГИА 8(4112)260635
Календарь
«  Март 2019  »
ПнВтСрЧтПтСбВс
    123
45678910
11121314151617
18192021222324
25262728293031
Архив записей