Версия для слабовидящих
Главная Регистрация Вход
Приветствую Вас, Гость · RSS
Осторожно!COVID-19
Главная
ЕГЭ
ГИА-9
ВОШ
Минпрос РФ
Рособрнадзор
Минобрнауки РС(Я)
МО "Намский улус"
ИРОиПК
Российское обр.
 
Главная » 2020 » Декабрь » 17 » ТҮБЭҔЭ ҮТҮӨКЭН ТҮГЭН
03:37
ТҮБЭҔЭ ҮТҮӨКЭН ТҮГЭН

Бу күннэргэ Түбэ нэһилиэгэр оскуола библиотекатын месячнига уонна олохтоох библиотекабыт 65 сылыгар аналлаах тэрээһиннэр ыытылла тураллар. 
Ол курдук, нэһилиэк икки библиотекатын историятын үөрэтии, үлэлээн ааспыт библиотекардар ахтыыларын хомуйан музейбыт фондатыгар харайыы. Библиотекалар историялара, ыытар үлэлэрэ, ахтыылар, “Айар аартык суолунан»  нэһилиэкпит айар куттаах дьонун 30-тан тахса кинигэлэрин быыстапката, ырытыыта, “2020 сыл үбүлүөйдээх суруйааччылара” виртуальнай кинигэ быыстапката, үлэбит уопутун үллэстэр сыаллаах “Фотозона - билиҥҥи үлэбит көрүҥэ” видеоролик, тэрилтэ салайааччылара, үөрэнээччилэр, олохтоохтор, улуус библиотекаларын  истиҥ эҕэрдэлэрэ ситим нөҥүө көрдөрүлүннүлэр.
Улуус бары библиотекардарын ортотугар “ Библиотека – звучит гордо» диэн Эссе суруйуутугар күрэх ыытылланна, сүрдээх элбэх үлэ киирдэ. Нууччалыы тылынан суруйууга 1  миэстэни Модут модельнай библиотекатын сэбиэдиссэйэ Сивцева Сардаана Семеновна ылла уонна Түбэ нэһилиэгин Дьаһалтатын анал бирииһинэн наҕараадаланна. Иккис  миэстэни  1 Хомустаахтан Жиркова Надежда Дмитриевна, үһүс  бириистээх миэстэни Арбынтан Бугаева Надежда Афанасьевна ыллылар. Сахалыы тылынан суруйууга кыайыылааҕынан  Хамаҕаттаттан Марина Саввична Корякина  буолла, М.Е.Охлопкова аатынан орто оскуола анал бирииһин тутта. 2 миэстэни Намтан Наталья Васильевна Павлова уонна Үөдэйтэн Альбина Егоровна Скрябина ыллылар. 3-с бириистээх миэстэҕэ ХСФЛ-тэн Надежда Константиновна Местникова таҕыста. Олохпун анаабыт библиотекам үбүлүөйдээх сылынан бэйэм анал бирииспин Таастаах орто оскуолатын опыттаах библиотекарыгар Наталья Витальевна Москвитинаҕа уонна Искра нэһилиэгин библиотекатын эдэр кэскиллээх үлэһитигэр Терентьева Сахаяна Алексеевнаҕа анаатым. 
Ахсынньы 11 күнүгэр куйаар ситиминэн юбилейнай тэрээһин ыытылынна. Онно күрэхтэр  түмүктэрэ таҕыста, «Ааҕааччыны ыҥыра-угуйа туруохтун...» кинигэм сүрэхтэннэ. 2005 сыллаахха бэчээттэнэн тахсыбыт “Билии-көрүү кирилиэһин дабайан» диэн кинигэм иккис чааһын быһыытынан бу үтүө мааны даатаҕа сөп түбэһэн күн сирин көрбүтэ олус үөрүүлээх. Бу кинигэҕэ өр сыллаах библиотека үлэтэ сырдатылынна, эдэр библиотекардарга, кыраайы үөрэтээччилэргэ көмө буолуо диэн эрэнэбин. Көрсүһүүгэ элбэх үтүө тыл этилиннэ, библиотека базата хаҥыырыгар үптээх кэмбиэри улуустааҕы библиотечнай ситим уонна олохтоох “Айхал» сынньалаҥ киинэ туттаран  үөрүүбүтүн өссө үрдэттэ. 
Истиҥ махталбытын тиэрдэбит «Ааҕааччыны ыҥыра-угуйа туруохтун...» кинигэни үбүлээн таһаарбыт Н.Рыкунов аатынан улуустааҕы библиотека иллээх кэллэктиибигэр, кэскиллээх салайааччыга Майя Романовна Софроноваҕа. Модельнай библиотекабыт сэбиэдиссэйэ Юлия Алексеевна бу үтүө даатаны боччум бэлэхтээх көрүстэ, Республикаҕа ыытыллыбыт Библиотечнай уруок күрэҕэр кыайыылаах аатын ылла.  Ааҕар дьиэбит –библиотекабыт - өрүү аана аһаҕас, кинигэни таптаан ааҕар ааҕааччылардаах буоллун, саҥа сонун тэрээһиннэри ыыта турдун диэн эдэр кэскиллээх салайааччыга Юлия Алексеевнаҕа бары үтүө баҕа санаабын тиэрдэбин.
Үбүлүөйгэ аналлаах тэрээһиннэри сигэлэринэн киирэн сэргээн көрөргүтүгэр  ыҥырабыт.

https://youtu.be/SPqw8fOEQa0

https://youtu.be/ZiZjl9LDccs

https://www.instagram.com/tv/CHpITcFDl9H/?igshid=1sedhpmlh9t0j

https://www.instagram.com/tv/CHpHfNnDqBZ/?igshid=xxdfs3uv2c8v

https://youtu.be/xTiFHozZ7uo

    Марита Афанасьевна Сивцева
    СР культураты туйгуна, Нам улууһун культуратын 
    Бочуоттаах үлэһитэ, Т.Замятин аатынан Бириэмийэ
    хаһаайката

Просмотров: 48 | Добавил: Anatoly | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Copyright MyCorp © 2021
ОБЪЯВЛЕНИЯ
ДИСТАНЦИОННОЕ ОБУЧ
ОРГАНИЗАЦИЯ ПИТАНИ
ГОРЯЧАЯ ЛИНИЯ
ГОРЯЧАЯ ЛИНИЯ
ТЕЛ. ДОВЕРИЯ ГИА
125-летие И.Е. Вин
150 лет системы об
75 лет Победы
100 летие ДО РС Я
Статистика

Онлайн всего: 1
Гостей: 1
Пользователей: 0
Поиск
Форма входа