Версия для слабовидящих
Главная Регистрация Вход
Приветствую Вас, Гость · RSS
Осторожно!COVID-19
Главная
ЕГЭ
ГИА-9
ВОШ
Минпрос РФ
Рособрнадзор
Минобрнауки РС(Я)
МО "Намский улус"
ИРОиПК
Российское обр.
 
Главная » 2022 » Февраль » 21 » СУРУК БИЧИК КУНЭ НАМ УЛУУЬУГАР
11:07
СУРУК БИЧИК КУНЭ НАМ УЛУУЬУГАР

Төрөөбүт тылбыт-иитиллибит ийэ тылым!»

Уhулуччулаах тыл учуонайа, общественнай-политическай үлэhит Семен Андреевич Новгородов төрөөбүтэ 130 сылыгар сахалыы сурук-бичик күнүгэр аналлаах  тэрээһиннэр ыытыллыбытын туһунан сонуннар

 

Ыытыллыбыт күннэрэ: олунньу 12 -19 күннэрэ2022 сыл.

Нэдиэлэ сыала-соруга:

- тылы хомоҕойдук, ылбаҕайдык, табатык тутта үѳрэнии;

- саха тыла сүппэтин, умнуллубатын туhугар оҕолору, төрөппүттэри умсугутуу;

- тѳрѳѳбүт дойдуга тапталы, киэн туттууну иҥэрии;

- сынньалаҥ бириэмэни сатабыллаахтык туһаныы;

Нэдиэлэ оҥкула

Ыытыллар тэрээһиннэр

Буолар күннэрэ, бириэмэтэ

Быыстапка тэрийии:

  •  С.А. Новгородов 130 сааһын туолуутугар аналлаах;
  •  «Мин дойдум хомоҕой тыллаахтара» – Нам улууһуттан төрүттээх суруйааччыларга аналлаах.

Олунньу 12 -19 күннэрэ

Төрөөбут тыл уонна сурук-бичик күнүгэр аналлаах «Таптыыр сахам тылынан» –өрөспүүбүлүкэтээҕи аахсыйаҕа кыттыы.

3-4 кылаастарга

Олунньу 11 күннэрэ

«Тыл хонуута» - грамматическай оонньуулар уруок кэмигэр.

Олунньу 12 -19 күннэрэ

«Дьыктаан суруйуу» аахсыйа.

 

1 - 4 кылаастар

Олунньу 15-16 күннэрэ

«Ырыаларым - көтөр кынаттарым» – сахалыы ырыалары көхтөөхтүк ыллааһын.

Музыка уроктарыгар уонна сынньалаҥ бириэмэтигэр

 «Көмүлүөк тула»– хабылыкка, хаамыскага күрэх (кыргыттар ортолоругар)

Сымса Боотур» – саха спорт көрүҥнэригэр  күрэхтэр (уолаттарга)

Олунньу 14-18 күннэригэр

Физкультура уроктарын уонна сынньалан бириэмэтигэр

«Төрөөбүт төрүт аһым амтана» - сахалыы астаах эбиэт.

Олунньу 17-18 күннэрэ

«Кэрэки тыл түһүлгэтэ» – учууталлар ортолоругар араатардар күрэхтэрэ.

Олунньу 18 күннэрэ

«Саха тыла – саха тыына» – түмүктүүр тэрээһин.

Олунньу 18 күнэ

«Сахалыы тыын – мин дьиэ кэргэммэр» - төрөппүттэргэ аналлаах тэрээһин.

Олунньу 17 күнэ (чэппиэр)

17.00

ZOOM платформаҕа

«Мин сахабын – сахалыы саҥарабын»” – инстаграм эйгэтин нөҥүө челлендж.

Дьиэ кэргэҥҥэ сахалыы саҥарар күннэри тэрийии, төрөппүт инстаграмҥа тус страницатыгар ол туһунан маннык хештэгтэринэн

#сахаоҕото#минсахабын_сахалыысанарабын#чаҕылыстар_ННОШ бэлиэтээн сырдатар.

Олунньу 12 -19 күннэрэ

«Тылбаастаа!» - инстаграм нөҥүө челлендж-оонньуу.

Быраабылата:

  • кыттыыны ылыахтарын сөп оҕо да, төрөппүт даҕаны;
  • Олунньу 14 күнүттэн оскуола инстаграмыгар сторис нөҥүө саҕаланыа;
  • Кытааччы оонньууну бэйэтин сториһыгар хаалларар (сохраняйдыыр) уонна салҕыыр, оскуола аккаунун @namn0sh  бэлиэтиир.

Олунньу 14-18 күннэригэр

 

Былааннамыт тэрээһиннэр ситиһиилээхтик түмүктэннилэр.

Уhулуччулаах тыл учуонайа, общественнай-политическай үлэhит Семен Андреевич Новгородов төрөөбүтэ 130 сылыгар сахалыы сурук-бичик күнүгэр аналлаах  1-4 бары кылаастарга бэсиэдэлэр , кылаас чаастар ыытылыннылар. Кылаастарга  «Мин дойдум хомоҕой тыллаахтара» Нам улууһуттаан төрүттээх суруйааччыларга аналлаах истиэндэлэр ыйаннылар, ааҕыы уроктарыгар айымньылары аахтылар, Сынньалан уонна саха тылын, ааҕыы уроктарын  кэмигэр.бириэмэтигэр куруһуок салайааччылара уонна кылаас салайааччылара «Тыл хонуута» диэн  грамматическай оонньуулары, «Ырыаларым - көтөр кынаттарым» – сахалыы ырыалары көхтөөхтүк ыллааһын буолан ааста.

Сивцев аатынан Намнааҕы этнографичксай музей иһинэн ыытыллыбыт И.Д, Винокуров-Чаҕылҕан хоһооннорун ааҕыы күрэҕэр оскуолаттан 28 оҕо кыттыыны ылла:

1 “а” кылаастан (Сивцева О.Ю.)– Иванова Амелия

1 “б” кылаастан (Гаврильева Э.Р.) - Аммосов Артемий, Аммосов Арылхан, Васильев Станислав, Васильев Ярослав, Герасимов Рустам, Петров Арсений, Хордогосова Люда, Николаев Альберт, Протопопова Алия

1 “в” кылаастан (Сорокумова Л,П.) - Бродникова Анджелина, Азарова Нарыйаана, Мордосова Нария,Павлов Арчын, Васильев Амир, уолаттар бөлөхтөрө (6 уол).

2 “а” кылаастан (Неустроева Л.В.) -Ноговицына Лариса

3 “в” кылаастан (Максимова Л.П.) -Румянцева Дайаана, Никонова Кира

Физкультура учууталлара Протопопов А.И., Флегонтова Е.П. физкультура уроктарыгар уонна сынньалан бириэмэтигэр баҕалаахтарга  «Көмүлүөк тула - сахалыы остуол кыргыттарга, уолтаттарга “Сымса Боотур» – саха спорт көрүҥнэригэр  күрэхтэри бэрти сэргэхтик ыыттылар.

Олунньу 18 күнүгэр «Төрөөбүт төрүт аһым амтана» -диэн ааттаан сахалыы астаах эбиэт тэрилиннэ оҕолор  сүөгэйдээх лэппиэскэ, сэлиэйдээх миин, үүттээх чэй аһаан астыннылар.

Бу күннэргэ андрей Петрович Ушницскай бирииһигэр улууска сахалыы остуол оонньууларыгар күрэххэх биһиги оскуолабыт үөрэнээччилэрэ Корякин Саша -1 миэстэ, Касьянова Лиза – 2 миэстэ, Уварова Влада – 3 миэстэ ыланнар ситиһии үөрүүтүн бэлэх ууннулар.

1 “в” кылаас үөрэнээччитэ Гаврильева Василиса онлайн республиканскай турнирга шашкаҕа 3 миэстэ буолла.

Дьиэ кэргэттэри оскуола тиэрээһинигэр көхтөөхтук кытталларыгар көҕүлээн кэккэ тэрээһиннэр ыытылыннылар. Ол курдук «Сахалыы тыын – мин дьиэ кэргэммэр» - төрөппүттэргэ аналлаах тэрээһин ZOOM платформа нөҥүө ытылынна, кыттыыны ылла И.Е. Винокуров аатынан Намнааҕы педагогическай колледж преподавателя Байанааева П.Д., директоры иитэр үлэҕэ солбуйааччы Корякина Т,В., педагог –психолог Винокурова В.В., логопед Осипова О,А. Уосайа 56 төрөппүт кыттыыны ылла, тэрээһин сэҥээриини ылан төрөппүттэр бу проблемаҕа ирэ-хоро кэпсэттилэр.

Маны таһынан дьиэ кэргэҥҥэ сахалыы саҥарар күннэри тэрийэр сыалтан  «Мин сахабын – сахалыы саҥарабын»” диэн  инстаграм эйгэтин нөҥүө челлендж,  «Тылбаастаа!» - челлендж-оонньуу ыытылыннылар.

Эдэр учууталлар ортолоруга Методическай холбоһуктар икки ардыларыгар «Кэрэки тыл түһүлгэтэ» – учууталлар ортолоругар доргуччу сахалыы аҕыыга күрэх буолан ааста. Уопсайа 6 кыттааччы – Сивцева О,Ю. (МО-1),Проптопопов А.И.  (МО - 2), Попова А,И. (МО-3), Неустроева А.Н. (МО 4), Протопопова А.П. (МО ДО).

Күрэх аан дойдутааҕы “Открой рот” чемпионат быраабылатыгар олоҕуран ыытылынна.

“Кэрэкэ тыл түһүлгэтэ күрэх” 2022 сыл үбүлүөйдээх саха сирин уонна Нам улууһуттан төрүттээх  суруйааччыларыгар ананна.

Күрэх быраабылатынан кыттааччылар тэрийээччилэр талбыт текстарын эрдэттэн бэлэмнэммэккэ тутанына доргуччу ааҕаллар.

Дьүүллүүр сүбэ ааҕааччыны маннык ирдэбиллэринэн сыаналаата:

  • кыттааччы уус-уран тылынан саҥатын тиэрдэр ньыымалара;
  • кыттааччы  айымньы баай ис хоһоонун, ситимнээн саҥарарын, туттарын –хаптарын, тылын-өһүн дьоҥҥо ылыннарыылаахтык тириэрдэрэ;
  • кыттааччы талбыт тиэмэтин толору арыйар дьоҕура.

 Ааҕар тиэкискитэрин тутатына талан ылан, ханнык түбэспитин аахтылар. Онон дьэ күрэх сүрдээх интириэһинэй буолла.

Үс сүрүн түһүмэх ыытылынна:

  1. түһүмэх – саха классиктарын айымньыларыттан ааҕыы.
  • Алексей Спиридонович Бродников  “Саха суруйааччылара о5олорго” диэн серияҕа киирбит  “НЬИРЭЙ АЬЫЫТА” кэпсээнэ. Олунньу 26 күнүгэр 105 сааһын туолар.
  • Күннүк Уурастыырап айымньыларын үһүс хомуурунньугуттан “Оҕонньоттор” Диэн сэһэнтэн быһа тардыы.  Владимир Михайлович Новиков – Күннүк Уурастыырап 115 сааһа.
  • Софрон Данилов “олох инники кирбиитигэр” кинигэтигэр киирбит “Отут саһыл төлөбүрэ” диэн сэһэнтэн, 100 сааһа.
  • Эрилик Эристиин “Саха суруйааччылара о5олорго” диэн серияҕа киирбит “Бөтүҥнэр” диэн кэпсээниттэн. Семен Степанович Яковлев – Эрилик Эристиин 130 сааһа.
  • Моисей Ефимов “Айыы тыынынан арчыланан” кинигэтиттэн, Моисей Дмитриевич Ефимов 95 сааһа.
  1. түһүмэх – публицистика истиилинэн хаһыаттан ыстатыйалары ааҕыы.

Иккис түһүмэххэ кыттааччылар публицистика истиилинэн хаһыаттан ыстатыйалары ааҕыахтара. Сахалыы тыллаах “Кэскил “ хаһыатка араас сылларга бэчээттэммит ыстатыйалартан доргуччу ааҕан иһитиннэрии.

2022 сылга “Кэскил”, “Юность Севера” хаһыаттар бочуоттаах редактордара, “Бочуот Знага”, “Доҕордоһуу” орденнар кавалердара, РСФСР, САССР култууратын үтүөлээх үлэһитэ, СР суруналыыстыкатын эйгэтигэр Государственнай бириэмийэ лауреата, “Гражданскай килбиэн” бэлиэ хаһаайына, Саха Республикатын, Дьокуускай куорат, Бүлүү улууһун, Нам улууһун Хамаҕатта нэһилиэгин Бочуоттаах гражданина, тыыл бэтэрээнэ Нина Иннокентьевна Протопопова 2022 сылга оруобуна бүгүн олунньу 18 күнүгэр төрөөбүтэ 95 сылын туолар.  1961 сыллаахха  Нина Иннокентьевна “Бэлэм буол” хаһыат кылаабынай редакторынан ананар. Онтон ыла оруобуна 50 сыл, 2011 сыл алтынньы ыйыгар диэри, оҕо аймах сөбүлээн ааҕар “Кэскил” (“Бэлэм буол”), “Юность Севера” (“Будь готов”) хаһыаттар редактордарынан айымньылаахтык үлэлиир. Биир дуоһунаска үйэ аҥара үлэлээн, 2011 сыллаахха “Россия рекордара” кинигэҕэ киирэр. Он

  1. түһүмэх – чабыргах этиитэ

Бу түһүмэххэ кыттааччылар биһиги биир дойдулаахпыт Саха республикатын культуратын туйгуна, На оруйуонугар 1960 сыллаахха аан маҥнай музыкальнай оскуоланы уонна оруйуон мелодитсарын түмсүүтүн тэрийбит суруйааччы Иван Афанасьевич Бубякин – Чөҥөчөк  төрөөбүтэ 95 сылыгар ананна. Суруйааччы    “Төрөппүт мунньахтара” диэн чабырҕаҕын толордулар.

  1. түһүмэх – поэманы толоруу. Бу түһүмэххэ үс кыттааччы хаалан, күөн көрүстүлэр.

Түһүмэх саха литературатын төрүттээччи, поэт, наука араас көрүҥнэригэр маҥнайгы оҥкулу оҥорбут чинчийээччи, гуманист-философ Алексей Елисеевич Кулаковскай-Өксөкүүлээх Өлөксөй  төрөөбүтэ 145 сылыгар ананна, кини “Саха дьахтарын сэттэ мэтириэтэ” диэн поэматыттан үс мэтириэти арыйан доргуччу аахитылар.

5 түһүмэх – хоһоон ааҕыыта – финал, манна икки финалист хаалан кыайыылаах быһаарылынна. Финалга Проптопопов Александр Иванович уонна Протпопова Анастасия Павловна тахсаннар көрүстүлэр. Түһүмэх норуотун чулуу уола, общественнай-политическай деятель Максим Кирович Аммосов төрөөбүтэ 125 сылыгар  анананна.

Чаҕылхай Махсыым туһунан элбэх суруйааччы хоһоон хоһуйбуттара. Финалистар Бүгүн биир дойдулаахпыт Юрий Васильевич Потапов-Саргын Аммосовка анаабыт “Максим, өрүү тыыннааххын” хоһоонун доргучу ааҕан иһитиннэрдилэр. Күрэх кыайыылааҕынан Проптопопов Александр Иванович буолла.

Уопсай түмүк тэрээһин оҕолору тмэр санитарнай –эпидиомологическай быһыы буолан тохтоон ыытыллыбата.

Бары күрэх кыттааччыларгар, “сахалыы дьыктаан” аахсыйа кыттыылаахтарыгар туоһу суруктара туттарылынылар.

 

Просмотров: 139 | Добавил: wwwsemenoff | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Copyright MyCorp © 2022
ОБЪЯВЛЕНИЯ
ДИСТАНЦИОННОЕ ОБУЧ
ОРГАНИЗАЦИЯ ПИТАНИ
ГОРЯЧАЯ ЛИНИЯ
ТЕЛ. ДОВЕРИЯ ГИА
ГОРЯЧАЯ ЛИНИЯ
ПОРТАЛ ОБРАЗОВАТЕЛ
АИС "СГО"
АИС "Е-УСЛУГИ"
100-ЛЕТИЕ ЯАССР
ГОД МАТЕРИ РС(Я)
125-летие М.К. Амм
Антитеррор
Статистика

Онлайн всего: 1
Гостей: 1
Пользователей: 0
Поиск
Форма входа