Ахсынньы 28 кунугэр 2021 сылга, Хамаҕатта нэһилиэгин № 1-дээх “Сарыал” оҕо уһуйааныгар “Саха Республикатын үөрэҕириитин туйгуна”, “Хамаҕатта муниципальнай сайдыытыгар” кылаатын иһин бэлиэлээх, оҕо саадын 1 категориялаах  педагог- психолог Назарова Дария Максимовна, “Алыптаах холбука- Норуотум оонньуутун сэгэтэн”, (“Чудесный сундучок -исток народных игр”) нууччалыы тылынан  эдэр иитээччилэргэ,  психологтарга, төрөппүттэргэ аналлаах көмө  методическай  пособие-кинигэтин презентацията буолан ааста.
Пособия сыала- соруга: Коррекционнай дьарыкка оҕо неконструктивнай быһыытын- майгытын көннөрөргө 5-7 саастаах оҕолорго аналлаах.
Бу  пособия5а барыта  15 оонньуу киирдэ, төрүт остуол оонньуута 9 көрүҥэ, автор бэйэтэ айбыт  оонньуулара 6 көрүҥэ киирдилэр. Бу пособияҕа киирбит оонньууларга Хамаҕатта нэһилиэгин олохтооҕо  Анна Захаровна Заровняевна хоһоонноро айыллан киирдилэр. Уһуйаан оҕолоро остуол онньууларыттан оонньоон, күрэхтэһэн көрдөрдүлэр.  Дария Максимовна салайар “ Тыл оһуора” куруһуок оҕолоро Е. Чехурдина суруйуутугар «Аан дойду  айыллыбыта” олонхотуттан быһа тардан аахтыллар,  Анна Заровняева суруйбут хоһооннорун аахтылар, сахалыы норуот инструменыгар оонньоон  ыллаан иһитиннэрдилэр.  
Пособия презентациятыгар ыалдьыттаатылар:  РСФСР үөрэҕин туйгуна, СӨ үөрэҕириитин үтүөлээх  үлэһитэ , СӨ үөрэҕириитин үтүөлээх  бочуоттаах ветерана, Нам улууһун Ытык киһитэ , “Нам улууһун үөрэҕириитин сайдыытыгар кылаатын иһин” бэлиэлээх Людмила Павловна Черноградская. Пособия  рецензиһа Нам селотун  № 6  “Кыталык” оҕо сайдар киинин методист- психолога СӨ үөрэҕириитин туйгуна, РСФСР үөрэҕин туйгуна, Татьяна Иннокентьевна Мальцева, Нам улууһун     үөрэх  управлениятын иһинэн Социальнай психологическай служба киинин  специалиьа Елизавета Петровна Стручкова.