Версия для слабовидящих
Главная Регистрация Вход
Приветствую Вас, Гость · RSS
Осторожно!COVID-19
Главная
ЕГЭ
ГИА-9
ВОШ
Минпрос РФ
Рособрнадзор
Минобрнауки РС(Я)
МО "Намский улус"
ИРОиПК
Российское обр.
 
Главная » 2021 » Июль » 15 » РЕСПУБЛИКАТААҔЫ «ДЬУЛУУР» ОҔО ХАМСААҺЫНЫН «ДВОРОВЫЙ ВОЖАТЫЙ» БЫРАЙЫАГА
10:08
РЕСПУБЛИКАТААҔЫ «ДЬУЛУУР» ОҔО ХАМСААҺЫНЫН «ДВОРОВЫЙ ВОЖАТЫЙ» БЫРАЙЫАГА

Бу сайын республикатааҕы «Дьулуур» оҕо хамсааһынын «Дворовый вожатый» диэн бырайыагын чэрчитинэн, Нам улууһугар 3 баһаатайга хамнас көрүлүннэ. От ыйын 6 күнүттэн олбуор баһаатайдара оҕо сайыҥҥы сынньалаҥын тэрийиигэ үлэлэрин-хамнастарын саҕалаатылар. Ол курдук баһаатайдар сайыҥҥы сынньалаҥынан хабыллыбатах, дьарыга суох оҕолорго олбуордарынан сылдьан көрдөөх-нардаах, хамсаныылаах  оонньуулары,  спортивнай күрэхтэри, интэриэһинэй конкурстары, араас тиэмэлэргэ  санаа атастаһыытын, онтон да атын  аралдьытар дьарыктары ыыталлар. Дьарыктар эбиэттэн киэһэ киэһэ 8-9 чааска диэри бараллар.  

 Намнааҕы педколледж студенката Елизавета Семенова уонна ХИФУ студентката Галина Румянцева  олбуор баһаатайдарынан ананан үлэлээн эрэллэр. Баһаатай кыргыттар Роспотребнадзор ирдэбилинэн, коронавирус дьаҥыттан утары быһыы 2 компоненын толору ылбыттар. Кинилэр 21 хонук устата үлэлээннэр, 23 тыһ. солк. харчыны хамнас аахсыахтара.   

 Республикатааҕы оҕо хамсааһынын түмсүүтэ баһаатайдары  «Дворовый вожатый» диэн суруктаах анал  футболканан, мээчигинэн, ватман, фломастер  курдук уруһуйдуур, суруйар  тэриллэринэн  толору хааччыйбыт. Баһаатай кыргыттар  көрдөрүгэр-нардарыгар ,  көхтөөх оонньууларыгар кыттыбыт оҕолорго туоһу сурук туттаран үөрдэллэр-көтүтэллэр.  

  Бу курдук, пандемия кэминээҕи хааччах кэмигэр дьиэлэриттэн ырааппатах,  тыыннара-быардара хаайтарбыт, тэрээһиннээх дьарыктарынан хабыллыбатах оҕолор баһаатайдар көмөлөрүнэн элбэҕи билиэхтэрэ-көрүөхтэрэ, айар дьоҕурдарын  сайыннарыахтара, сибиэһэй салгыҥҥа көччүйэ сынньаныахтара.


Анастасия Корякина, Энсиэли хаhыат

Просмотров: 10 | Добавил: wwwsemenoff | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Copyright MyCorp © 2021
ОБЪЯВЛЕНИЯ
ДИСТАНЦИОННОЕ ОБУЧ
ОРГАНИЗАЦИЯ ПИТАНИ
ГОРЯЧАЯ ЛИНИЯ
ГОРЯЧАЯ ЛИНИЯ
ТЕЛ. ДОВЕРИЯ ГИА
125-летие И.Е. Вин
150 лет системы об
75 лет Победы
100 летие ДО РС Я
Статистика

Онлайн всего: 1
Гостей: 1
Пользователей: 0
Поиск
Форма входа