Сэтинньи 12 күнүттэн 30 күнүгэр диэри  оскуола иннинээҕи саастаах 

оҕолорго улуустааҕы «Сахалыы алыптаах остуоруйалар» театрализованнай күрэх ыытылынна. 

Остуоруйа – бараммат норуот баайа. Бу үгүс элбэх араас темалардаах жанр былыр-былыргыттан оҕоҕо чугас, оҕо дууhатын тутар, санаатын кынаттыыр, үтүөҕэ-кэрэҕэ уhуйар, хорсун-хоодуот быhыыга ыҥырар. Норуот олоҕо-дьаhаҕа, быhыыта-майгыта, бэйэ-бэйэтигэр сыhыана, таҥаhа-саба, аhа-үөлэ, үлэтэ-хамнаhа ханнык да айымньытааҕар  остуоруйаларга арылхайдык костор. Саха оҕото кыра эрдэҕиттэн төрөөбүт буоруттан силистэнэн-мутуктанан иитилиннэҕинэ, норуотун амарах сүрэҕин, мындыр өйүн, киэҥ көхсүн, үтүө майгытын утумнаатаҕына, дьоhун киhи иитиллэн тахсар.

Күрэх сыала – соруга: 

• Оҕо төрөөбүт тылынан саҥарар саҥатын сайыннарыы; 
• Оҕолорго остуоруйалары билиһиннэрии; 
• Оҕо саҥарар саҥатын, уустаан - ураннаан саҥарар сатабылын кеҕулээһин, тылын саппааһын байытыы; 

• Уус-уран айымньы ис хоһоонун ойуулаан-дьүһүннээн тириэрдии, арыйыы. 

Күрэххэ уопсайа  улуус   үрдүнэн 13 оҕо саадыттан сайаапка киирдэ, онтон 16 видео көрүлүннэ. Видеоҕа 2 күлүк театра, 2 куукуланнан көрдөрүү, 12 -оҕолор оонньоон көрдөрүүлэрэ киирдэ.  Кыттыыны ыллылар 3-7 диэри саастаах оҕолор.  

Дьүүллүүр сүбэ: 

Маркова Н.Н. – ОДО МКУ УО кыл. специалиһа; 

Гоголева М.П. – со5уруу КМО салайааччыта; 

Кузьмина М.К. – хоту КМО салайааччыта; 

Гоголева Н.А. – Нам КМО салайааччыта; 

Бубякина М.И. – 4 нүөмэрдээх Чэчир о5о саадын аҕа иитээччитэ. 

Дьүүллүүр сүбэ ахсынньы 1-4 күнүгэр диэри түмүк таҺаарда:  

1 миэстэ – Аппааны 1 №дээх «Хатыҥчаана» оҕо сайдар киинэ- «Быыра  баадьай» олоҥхо остуоруйа; 

2 миэстэ – Нам 11 №-дээх «Сулусчаан» оҕо садар киинэ-  «Таҥара кийиитэ» остуоруйа; 

3 миэстэ – Никольскай «Веснянка» уһуйаана-   «Уоттаах чыычаах» остуоруйа. 

Ону таһынан биһирэбил сурук туттарыллар:

- Марков Аскольд, Хатырык 1 №-дээх «Кэрэчээнэ» уһуйаана- «Куоска уонна саьыл» остуоруйа;

-Колесова Миа,  Партизан «Кустук» уһуйаана- «Бөтүүк тоҕо көппөт буолбутай».