Версия для слабовидящих
Главная Регистрация Вход
Приветствую Вас, Гость · RSS
Главная
Прием в 1 класс
Форма входа
ЕГЭ
ГИА-9
ВОШ
ТЕЛ. ДОВЕРИЯ ГИА
Первый учитель
Закон об обр.
Официальный информационный портал Республики Саха (Якутия)
МО РФ
МО РС(Я)
МО "Намский улус"
Портал обр. услуг
bus.gov.ru
Статистика

Онлайн всего: 1
Гостей: 1
Пользователей: 0
 
Главная » 2019 » Апрель » 8 » «ОЛОҤХО ЫҺЫАҔЫН УРУЙДУУБУТ!» СЕМИНАРТАН САНААЛАР
11:16
«ОЛОҤХО ЫҺЫАҔЫН УРУЙДУУБУТ!» СЕМИНАРТАН САНААЛАР

Муус устар ый 4 күнүгэр М.В.Петрова аатынан Таастаах сүрүн уопсай үөрэхтээһинин оскуолатыгар быйыл Нам улууһугар ыытыллар Олонхо ыһыаҕын чэрчитинэн “Олонхо ыһыаҕын уруйдуубут!” диэн улуус иһинэн эбии үөрэхтээһин, технология учууталларыгар аналлаах семинар буолла.

Семинарга улуус 11 оскуолатыттан барыта 25 педагог кыттыыны ыллылар. Семинар кыттыылаахтара бука бары сахалыы таҥнан кэлбиттэрэ киһини үөрдэр. Улуус үөрэҕин салалтатыттан иитэр үлэҕэ уонна эбии үөрэхтээһин салаатын сэбиэдиссэйэ Яковлева Нина Михайловна уонна уйулҕа уонна ис турук салаатын специалиьа Исакова Нарыйа Ивановна салайан илдьэ сырыттылар.

Таастаах оскуолатыгар киирдэххэ Олонхоҕо аналлаах стендэлэр ыйаммыттар, оҕолор оҥоһуктарын быыстапката тардыллыбыт, олонхо дьоруойдарын танаска уруьуйдаан туспа көстүү тэрийбиттэр. Сахалыы муннук, балаҕан ис көстүүтэ оҥоьуллубута Олонхо сылыгар үгүс бэлэмнэнии уонна тэрээһин үлэлэр муҥура суох буола туралларын бэлиэтэ.

Семинарга дьахталлартан бастакы драматург Мария Петровна Обутова – Эверстова оҕолорго аналлаах «Дьурайаан Бэргэн» олонхо пьесатын Таастаах оскуолатын үөрэнээччилэрэ уонна учууталлара оонньоон көрдөрдүлэр. Олонхо-пьесаны саха тылын уонна литэрэтиирэтин учуутала Соловьева Туйаара Алексеевна туруорда. Хас биирдии оруолу чочуйан, оҕо толорор маастарыстыбатын чопчулаан, онно эбии муусуканан, тыаһынан – ууһунан киэргэтэн олонхону оонньоон көрдөрдүлэр. Көрөөччү ытыс тыаһынан махталын тиэртэ.

Таастаахтан Өрөспүүбүлүкэҕэ биллэр дьон төрөөн – үөскээн ааспыттарын туоһутун 3 кылаас үөрэнээччитэ Настя Павлова Ийэ олонхоһут Соловьев А.Е. туьунан сиһилии кэпсээтэ.

Чэ, ити кэннэ биэс тохтобулга арахсан кэлбит учууталлар уроктарга тарҕастылар. Аргунова Е.Г. эбии үөрэхтээһин педагога – «Полимернай глинаттан магнит”, Егорова Е.П. технология учуутала – “Сахалыы харысхаллары замшага уруьуй”, Атласова О.С. уруһуй уонна черчение учуутала – “Кыбытыктаах тигии”, Аргунова Т.М. дириэктэри иитэр-үөрэтэр үлэҕэ солбуйааччы “Сылгы сиэлин өрүү технологияталара», Аргунов Нь.Х. информатика учуутала – «Аал Луук мас» (компьютернай мультипликация) диэн тиэмэлэргэ кэлбит учууталлары үөрэттилэр, сатабылларын сайыннардылар.

Семинар иккис чааһыгар Москвитин С.Р. Таастаах оскуолатын труд учуутала – “Айыл5а матырыйаалын уруокка туттуу”, Осипова М.В. Бөтүҥ орто оскуолатын фольклор куруһуок салайааччыта “Олонхону олуктарынан үөрэтии», Протодьяконова Ф.А., Касьянова Л.П. Салбан орто оскуолатын учууталлара – “Изготовление кукол олонхо в технике папье-маше”, Протопопова Е.Д. Салбан орто оскуолатын саха тылын уонна литэрэтиирэтин учуутала “Туустаах тиэстэттэн оҥоһук» диэн тиэмэлэргэ маастар кылаас көрдөрдүлэр дьон биьирэбилин ыллылар.

Бу күн семинарга кэлбит ыалдьыттарга анаан Таастаах нэһилиэгин Ытык киһитэ, импровизатор – хомусчут, олонхо толорооччу Кривошапкин Дмитрий Иванович Н.И.Шамаев «Дьоһун дьикти айылҕалаах, дьоллоох – соргулаах Дьоруо хоҥор аттаах Дьорҕостой Бэргэн» олонхоттон быһа тардан толордо. Семинар кыттыылаахтара тыыннаах олонхону биир тыынынан истэн өйдүүн – санаалыын сааьыланан өрө көтөҕүлүннүлэр.

Семинар кэмигэр, сынньаланна Таастаахха хомуллубут үүнээйиттэн Чэй иһиитин биология учуутала Винокурова В.В. тэрийэн ыытта. Үүнээйини хомуйуу, хатарыы туһунан сүбэлэрин биэрдэ.

Семинар ураты түгэнинэн күргүөмүнэн хомуска тардыы буолла. Хомуска тардыыны олохтоох кулууп дириэктэрэ Иванов К.Н. салайда. Барыта 25 киьи хомуска тардан эйээртэ.

Ити курдук биир үлэ күнэ – Олонхоҕо бэлэмнэнии, сахалыы тыыҥҥа киирии, сатабылы сайыннарыы, олус интэриэһинэйдик, тэрээһиннээхтик буолан ааста.

Тэрээһиҥҥэ кыттыбыт ыалдьыттарбытыгар, улууспут үөрэҕин салалтатыгар махталбытын тиэрдэбит.

 

Т.М.Аргунова, дириэктэри иитэр-үөрэтэр үлэҕэ солбуйааччы.

 

Просмотров: 76 | Добавил: sparklpetr | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Copyright MyCorp © 2019
Поиск
Block title
  • Телефон доверия по России: +7(495)104-68-38
  • "Телефон доверия" ГИА по РС(Я): 8(4112)42-10-28
  • "Телефон доверия" по Намскому улусу: 41-788
  • Телефон "горячей" линии по России: +7(495)984-89-19
  • Телефоны "горячей" линии по РС(Я): ЕГЭ 8(4112)42-10-46; ОГЭ 8(4112)42-10-48;
  • Телефоны "горячей" линии по Намскому улусу: 42-563; 43-099; 42-364
  • Телефон Департамента по соблюдению законодательства проведения ГИА 8(4112)260635
Календарь
«  Апрель 2019  »
ПнВтСрЧтПтСбВс
1234567
891011121314
15161718192021
22232425262728
2930
Архив записей