Версия для слабовидящих
Главная Регистрация Вход
Приветствую Вас, Гость · RSS
Осторожно!COVID-19
Главная
ЕГЭ
ГИА-9
ВОШ
Минпрос РФ
Рособрнадзор
Минобрнауки РС(Я)
МО "Намский улус"
ИРОиПК
Российское обр.
 
Главная » 2022 » Май » 6 » «ОБНОВЛЕННЫЙ ФГОС НАЧАЛЬНОГО ОБРАЗОВАНИЯ» КУРС ЫЫТЫЛЫННА
10:41
«ОБНОВЛЕННЫЙ ФГОС НАЧАЛЬНОГО ОБРАЗОВАНИЯ» КУРС ЫЫТЫЛЫННА

Ыам ыйын 6 күнүгэр Илья Дорофеевич Винокуров-Чаҕылҕан аатынан Нам алын сүһүөх оскуолатыгар “Саҥардыллыбыт судаарыстыбаннай үөрэхтээһин халыыба” диэн ааттаах  биир күннээх курс буолан ааста. Үөрэҕи  С.Н.Донской-II аатынан учууталлар үөрэхтэрин таһымын үрдэтэр үнүстүтүүт, алын сүһүөх уонна инклюзивнай үөрэхтээһинин кафедратын сэбиэдиссэйэ Людмила Николаевна Прокопьева уонна старшай преподавателя Валентина Михайловна Егорова ыыттылар.
Уопсайа бу күн учууталлар кэлэн билиилэрин таһымын үрдэтэн бардылар.
Интервью:
Анна Ильинична Ядрихинская – Илья Дорофеевич Винокуров-Чаҕылҕан аатынан Нам алын сүһүөх оскуолатын директары иитии чааһыгар солбуйааччы: Валентина Михайловна, бүгүҥҥү курс туһунан санааларгытын үллэстэргитигэр көрдөһөбүн.
Егорова Валентина Михайловна – С.Н. Донской II аатынан учууталлар үөрэхтэрин таһымын үрдэтэр үнүстүтүүт алын сүһүөх уонна инклюзивнай үөрэхтээһинин кафедратын старшай преподавателя: “Үтүө күнүнэн! 2021 сыл балаҕан ыйын Россия оскуолаларыгар, ол иһигэр Саха сирин бары оскуолаларыгар саҥардыллыбыт судаарыстыбаннай үөрэхтээһин халыыба булгуччу 1-5 кылаас үөрэнээччилэригэр киириэхтээх. Онтон кэлэр сылларга атын кылаастаргы эмиэ киириэхтээх. Ол соругу олоххо киллэрэр сыалтан үлэтэ бара турар, үнстүтүүт бэлэмнэнэн республика бары алын сүһүөх учууталларын үөрэтиэхтээхпит. Бүгүн Нам улууһун үөрэҕириитин салалтатын көҕүлээһининэн үөрэтии бара турар. Улууска 150 алын сүһүөх учуутала баарыттан бүгүн 130 киһи үөрэннэ.  Сааскы суол сабыылааҕынан ыраах сытар нэүилиэктэр учууталларыгар дистанционно курсу истэн үөрэнэ олороллор, онон үөрэхпит очно-дистанционнай форматынан барда. Курсу ааҕар С.Н.Донской II аатынан учууталлар үөрэхтэрин таһымын үрдэтэр үнүстүтүүт, алын сүһүөх уонна инклюзивнай үөрэхтээһинин кафедратын сэбиэдиссэйэ Людмила Николаевна Прокопьева.  Кини саҥа киирэр уларытыылар чопчу киирбиттэрин быһааран, үөрэх урукку уонна саҥа халыыбтар  туох уратылааҕын тэҥнээһин, ону таһынан доруобуйаларыгар хаарчахтаах оҕолор эмиэ үөрэниэхтээхтэр, олору кытта хайдах үлэлиэхтээхтэрин сиһилии ырытыстылар.
Түгэнинэн туһунан Екатерина Владимировна Ядреева салайааччылаах Нам улууһун үөрэҕин салалтатыгар тэрээһиннээхтик үөрэх буолар сирин, учууталлары хомуйан тэрийбиттэригэр махтанабыт”.

Татьяна Васильевна, бу хайыскаҕа туох үлэ барарый?
Корякина Татьяна Васильевна – Илья Дорофеевич Винокуров-Чаҕылҕан аатынан Нам алын сүһүөх оскуолатын директары үөрэх чааһыгар солбуйааччы: “2022 сыл балаҕан ыйыгар дойдубут үрдүнэн саҥардыллыбыт үөрэх стандарта киирээри турар, онон учуутал иннигэр элбэх сорук эбилиннэ. Онон бииһиги оскуолабытыгар былаан быһыытынан саҥардыллыбыт үөрэх стандартынан үлэлииргэ бэлэмнэнии үлэ барар. Ол курдук, оскуола педагогтара бары араас таһымнаах семинардарга, курстарга үөрэнэллэр, оскуола иһинэн бу темаҕа аналлаах педсовет ыытыллыбыта, саҥа аныгылыы методтар уонна технологиялар киллэриллэллэр.
Бүгүҥҥү курска оскуолабыт педагогтара, салайааччылара бары 100% үөрэннилэр, саҥа элбэх билиини ыллылар.
Бу курс тэриллибитигэр биһиги улууспут үөрэҕириитин салалтатыгар, С.Н.Донской-II аатынан учууталлар үөрэхтэрин таһымын үрдэтэр үнүстүтүүт үлэһиттэригэр махталы тиэрдэбит”.

Ноговицына Алена Семеновна – Нам улууһун үөрэҕирии салалтатын методическай отделын сүрүн специалиһа: “Россия үөрэҕириитин Министерствотын 2021 сыллаах ыам ыйынааҕы 286 бирикээһигэр олоҕуран саҥардыллыбыт судаарыстыбаннай үөрэхтээһин халыыба бу дьыл балаҕан ыйын бастакы күнүттэн олоххо киирэринэн Нам улууһун үөрэҕириитин салалтатын уонна биһиги отделбыт былаанынан ситимнээх бэлэмнэнии үлэтэ бара турар. Ол курдук учууталларбыт араас хабааннаах үөрэх таһымын үрдэтэр курстарынан, вебинардарынан, семинардарынан хааччыллаллар. С.Н.Донской-II аатынан учууталлар үөрэхтэрин таһымын үрдэтэр үнүстүтүүтү кытары ыга сибээстээхтик тэтимнээх үлэ барар, бүгүҥҥү үөрэх улууспут алын сүһүөх учууталларын хабан ыытылынна.  Аны күһүҥээҥҥи диэри өссө да элбэх үлэ былааҥҥа баар, ыытыллыахтаах.”

 

 

 

Просмотров: 55 | Добавил: Anatoly | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Copyright MyCorp © 2022
ОБЪЯВЛЕНИЯ
ДИСТАНЦИОННОЕ ОБУЧ
ОРГАНИЗАЦИЯ ПИТАНИ
ГОРЯЧАЯ ЛИНИЯ
ТЕЛ. ДОВЕРИЯ ГИА
ГОРЯЧАЯ ЛИНИЯ
ПОРТАЛ ОБРАЗОВАТЕЛ
АИС "СГО"
АИС "Е-УСЛУГИ"
100-ЛЕТИЕ ЯАССР
ГОД МАТЕРИ РС(Я)
125-летие М.К. Амм
Антитеррор
Статистика

Онлайн всего: 2
Гостей: 2
Пользователей: 0
Поиск
Форма входа