Версия для слабовидящих
Главная Регистрация Вход
Приветствую Вас, Гость · RSS
Осторожно!COVID-19
Главная
ЕГЭ
ГИА-9
ВОШ
Минпрос РФ
Рособрнадзор
Минобрнауки РС(Я)
МО "Намский улус"
ИРОиПК
Российское обр.
 
Главная » 2021 » Апрель » 9 » НАМ УЛУУҺУГАР ТӨРӨППҮТТЭР БИИР КЭЛИМ ЭКЗАМЕН ТУТТАРДЫЛАР
11:40
НАМ УЛУУҺУГАР ТӨРӨППҮТТЭР БИИР КЭЛИМ ЭКЗАМЕН ТУТТАРДЫЛАР

Нам улууһугар бүгүн “Төрөппүттэр БКЭ-ни туттарар биир күннэрэ” акция буолан ааста. Бу тэрээһиҥҥэ Нам улууһа 2017 сылтан көхтөөхтүк кыттар. Акция сүрүн сыалынан оскуоланы бүтэрээччигэ көмөлөһүү, төрөппүккэ уонна общественноска экзамен хайдах тэриллэн барарын билиһиннэрии буолар.

Бу күн уопсайа 62 төрөппүт Хатырык, Хатыҥ Арыы, Нам 1-кы №-дээх, I Хомустаах, ХСФЛ, II Хомустаах, Үөдэй, Түбэ, Көбөкөн, Арбын, Салбаҥ оскуолаларын баазаларыгар тэриллибит экзамен туттарар пууннарга нуучча тылыгар биир кэлим экзамены туттарыыга тургутук аастылар. Коронавируснай инфекция тарҕаныытын тохтотор үлэлэр салгыы баралларынан, бары санитарнай ирдэбиллэр тутуһулуннулар.

Төрөппүттэр оҕолоро БКЭ туттаралларыгар ханнык бэрэбиэркэни ааһалларын илэ харахтарынан көрдүлэр. Ол курдук, металлодетекторы аастылар, киирии ааҥҥа бэлиэтэннилэр, аудиторияҕа ыйыллыбыт сирдэргэ олордулар, оҕо үлэлиир усулуобуйата хайдах тэриллэрин, экзамен материаллара хайдах бэчээттэнэн, сканерданан тахсалларын билистилэр, БКЭ тургутуктарыгар маарынныыр сорудахтары оҥорууга бэйэлэрин холонон көрдүлэр.

Нам 1-кы №-дээх оскуолатыгар экзамен күнүс 15 ч. 25 м. саҕаланна. Манна улуустааҕы гимназия, Нам 1-кы, 2-с N–дээх оскуолаларын, үөрэхтээһин киинин төрөппүттэрэ кэлбиттэр. Төрөппүттэр бары олус долгуйан туран кытыннылар.

Сахайаана Протопопова, индивидуальнай предприниматель: “Балтым быйыл 11-с кылааһы бүтэрэр. Металлоискатель нөҥүө ааhарбар наһаа долгуйбатым. Оскуоланы 2008 сыллаахха бүтэрбитим, инньэ гынан, БКЭ хайдах ыытылларын билэбин. Билигин нуучча тылыгар “А” чааһа суох буолбут. Былааҥканы образеhынан көрөн, кыhаллан толордум да, сыыһан ыллым. Оскуола программатын өйдүүр эбиппин. Эрдэттэн бэлэмнэммит оҕо биир кэлим экзамены туттарыан сөп дии санаатым. Бириэмэбин учуоттаан кэмигэр бүтэрдим”.

Барыс Түмэн Ай Тал Уола, ЧОП үлэһитэ: “Төрөппүттэри БКЭ-ҕэ холонон көрөргө ыҥырбыттара үчүгэй. Тэрийээччи үлэбитин толоруохпут иннинэ саас-сааhынан барытын быhааран биэрдэ. Эрдэттэн бэлэмнэнээри, бэйэм интэриэһиргээн кэллим. Оскуоланы бүтэрбитим 10 сыл буолла. Программаны улаханнык умнубатахпын. Киһи оҥоруон сөп. Былааҥка туолуута урукку курдук эбит. Уларыйыы суох. Киһи долгуйара суох, бэрэбиэркэ буоллаҕа”.

Любовь Делиграсова, биэнсийэлээх: “Кыыһым 11-с кылааска үөрэнэр. Мин оскуоланы бүтэрбитим 36 сыл буолла. Yөрэх программатын умнан бөҕө буоллаҕа. БКЭ сорудахтарын эрдэттэн көрөн бэлэмнэнэн кэллим. Варианнарын барыларын үөрэттим. Урут биһиги үөрэнэрбит курдук буолбатах, сорудахтара ыарахаттар эбит. Бастаан олус долгуйдум, оттон улам уоскуйан барытын оҥордум. Бэлэмнээх оҕо БКЭ сорудахтарын толоруох курдук эбит дии санаатым”.

Маннык акция ыытыллыбыта төрөппүттэргэ да, үөрэнээччилэргэ да биир кэлим экзаментан олус долгуйбакка, бэйэ күүһүгэр эрэнэн, эппиэтинэстээхтик сыһыаннаһан бэлэмнэнэллэригэр көмөлөһөрө чахчы. Онуоха үөрэнээччи өй-санаа, уйулҕа өттүнэн бэлэмнээх буоларыгар төрөппүт көмөтө улахан оруоллааҕын өйдөөн оҕолорбутугар көмөлөһүөҕүҥ.

                

Просмотров: 116 | Добавил: Anatoly | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Copyright MyCorp © 2021
ОБЪЯВЛЕНИЯ
ДИСТАНЦИОННОЕ ОБУЧ
ОРГАНИЗАЦИЯ ПИТАНИ
ГОРЯЧАЯ ЛИНИЯ
ГОРЯЧАЯ ЛИНИЯ
ТЕЛ. ДОВЕРИЯ ГИА
125-летие И.Е. Вин
150 лет системы об
75 лет Победы
100 летие ДО РС Я
Статистика

Онлайн всего: 1
Гостей: 1
Пользователей: 0
Поиск
Форма входа