Версия для слабовидящих
Главная Регистрация Вход
Приветствую Вас, Гость · RSS
Осторожно!COVID-19
Главная
ЕГЭ
ГИА-9
ВОШ
Минпрос РФ
Рособрнадзор
Минобрнауки РС(Я)
МО "Намский улус"
ИРОиПК
Российское обр.
 
Главная » 2021 » Июль » 15 » НАМ УЛУУҺУГАР ОҔО ЛААҔЫРДАРА ҮЛЭЛЭРИН САҔАЛААТЫЛАР
09:57
НАМ УЛУУҺУГАР ОҔО ЛААҔЫРДАРА ҮЛЭЛЭРИН САҔАЛААТЫЛАР

Сахабыт сирин кылгас сайыныгар  оҕону сибиэһэй салгыҥҥа көччүтэн, сылаас күҥҥэ сыламнатан,  сибиэһэй иҥэмтиэлэх аһынан күндүлээн, өй-санаа өттүнэн дьарыктаан хаалар инниттэн, тэтимнээх үлэ ыытыллар. Оҕо сайыҥҥы сынньалаҥын, доруобуйатын бөҕөргөтүү, дьарыктаах буолуутун  тэрийиини  сэргэ  улуус үөрэҕин управлениета улахан болҕомтотун лааҕырдар материальнай-техническэй баазаларын бөҕөргөтүүгэ уурар.

           Бу сыл олунньу 25 күнүгэр «Нам улууһа» МТ баһылыга Юрий Слепцов «Об организации отдыха детей и их оздоровления в летний период» дьаһала тахсыбыта, оҕо сайыҥҥы сынҥьалаҥын тэрийиигэ межведомственнай (улуус тэрилтэлэрин икки ардыларынан) комиссия тэриллибитэ.  Председателинэн улуус баһылыгын социальнай боппуруостарга солбуйааччы Мария  Игнатьева ананан, былааннаах үлэ саҕаламмыта. Комиссияҕа Роспотребнадзор Намнааҕы салаатын начальнига Лена Ильина, Намнааҕы киин балыыһа кылаабынай бырааһа Ариан Сергеев, оройуон педиатра Жанна Игнатьева, дьиэ кэргэн уонна ыччат отделын начальнига Екатерина Евстафьева, спорт уонна физическэй культура управлениетын начальнига Павел Иванов, социальнай харалта управлениетын начальнига Феврония Охлопкова, ИдьУО начальнига Иван Емельянов, культура уонна духуобунай сайдыы управлениетын начальнига Елена Заровняева, айылҕа харыстабылын инспекциятын начальнига Андрей Собакин, баһаарынай инспекция начальнига Павел Гуляев, дьарыктаах буолуу киинин директора Гаврил Николаев, сокуоннай саастарын ситэ илик оҕолор  дьыалаларын көрөр уонна кинилэр бырааптарын көмүскүүр хамыыһыйа эппиэттээх секретара Анна Кутукова, иитэр уорэтэр уонна эбии уорэхтээьин отделын сурун специалиьа Юлия Жергина, опека уонна попечительство отделын начальнигын э.т.  Анастасия Сивцева, тыа хаһаайыстыбатын управлениетын начальнига Владимир Макаров, баһаарынай сулууспа отделын начальнига Иван Винокуров, СР гигиена и эпидемиология киинин филиалын кылаабынай бырааһын э.т. Евдокия Канаева киирбиттэрэ.

              Бу сайын санитарнай-эпидемиологическай балаһыанньаны учуоттаан, 24 лааҕыр үлэлиэхтээх.  Ол курдук, 17 күнүскү, 6 төгүрүк сууккалаах үлэ уонна сынньалаҥ, 1 төгүрүк сууккалаах сынньалаҥ лааҕырдара аһыллыахтара. Билинни ирдэбилинэн лаа5ыр улэьиттэрэ бары 100% КОВИД утары быьыы (вакцина) ыллылар.

Лааҕырдар спортивнай-чэбдигирдэр, элбэх хайысхалаах, тыа хаһаайыстыбатыгар сыһыаннаах, сайыннарар, үлэ, туристическай, художественнай, экологическай, байыаннай-спортивнай, этно-экологическай, техническэй хайысхалары тутуһуохтара.

            Ону сэргэ оҕо сынньалаҥа тэрилтэлэри кытта хардарыта сөбүлэһии быһыытынан  тэриллиэҕэ. Ол курдук, Намнааҕы дьарыктаах буолуу киинэ бэс, от, атырдьах ыйдарыгар 7 нэһилиэккэ (Хатыҥ Арыы, Хамаҕатта, Үөдэй, Таастаах, Ленскэй, Бөтүҥ, Никольскай) 170 оҕону кылгас кэмҥэ үлэлэтэн, хамнастыаҕа. Үлэ фронун нэһилиэк дьаһалтата бэйэтэ былааннаан аттарыаҕа.

            Нам улууһунааҕы культура и духуобунай сайдыы управлениетын тэрийиитинэн, 8 нэһилиэк кулууптарын, библиотекаларын, музейдарын баазаларыгар оҕо былаһааккалара   оҕону хабан үлэлиэхтэрэ.

             Ону таьынан 9 дьиэ кэргэн  биригээдэтигэр  90 оҕо сынньалаҥы үлэни кытта дьүөрэлиэҕэ.

9 төрөппүт көрүүтэ-истиитэ суох хаалбыт тулаайах оҕо Сочига Н.А. Семашко аатынан санаторийга ыам ыйын 30 күнүттэн бэс ыйын 20 күнүгэр диэри доруобуйатын көннөрүнүөҕэ. 

Екатерина Ядреева салайааччылаах үөрэх управлениетын  биир улахан ситиһиитинэн СР үөрэҕин уонна наукатын министерствота ыыппыт республикатааҕы конкурсугар кыайан, Модут агротехнологическай хайысхалаах   орто оскуолатын «Саһарҕа» үлэ уонна сынньалаҥ лааҕырын материальнай-техническэй баазатын тупсарыыга субсидия көрдөрүүтэ буолла. Быйыл государство өттүттэн үп-ас көрүллэн, бу лааҕырга үтүмэн элбэх үлэ барара былааннанар.

Улууспут о5олоро көхтөөхтук, туьалаахтык сынньаналларын туһугар, лааҕыр улэтин-хамнаьын сана саҕалааһыннарын, урукку үтүө үгэстэри өрө тутан, билинни олох тэтимиттэн хаалсыбакка улэлиир хамыыһыйаҕа айымнньылаахтык бииргэ улэлээллэрин иһин махтанабыт!

Анастасия КОРЯКИНА, Энсиэли хаьыаттан

Просмотров: 12 | Добавил: wwwsemenoff | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Copyright MyCorp © 2021
ОБЪЯВЛЕНИЯ
ДИСТАНЦИОННОЕ ОБУЧ
ОРГАНИЗАЦИЯ ПИТАНИ
ГОРЯЧАЯ ЛИНИЯ
ГОРЯЧАЯ ЛИНИЯ
ТЕЛ. ДОВЕРИЯ ГИА
125-летие И.Е. Вин
150 лет системы об
75 лет Победы
100 летие ДО РС Я
Статистика

Онлайн всего: 1
Гостей: 1
Пользователей: 0
Поиск
Форма входа