Версия для слабовидящих
Главная Регистрация Вход
Приветствую Вас, Гость · RSS
Осторожно!COVID-19
Главная
ЕГЭ
ГИА-9
ВОШ
Минпрос РФ
Рособрнадзор
Минобрнауки РС(Я)
МО "Намский улус"
ИРОиПК
Российское обр.
 
Главная » 2021 » Июль » 15 » НАМ ТААСТААҔАР ЧЭБДИГИРДЭР ЛААҔЫР ҮЛЭЛИИР
10:16
НАМ ТААСТААҔАР ЧЭБДИГИРДЭР ЛААҔЫР ҮЛЭЛИИР

Таастаах нэһилиэгин кэрэ айылҕатыгар оҕо дуоһуйа сынньанар, үлэлиир усулуобуйата толору баар.  Бэс ыйын 7 күнүттэн   нэһилиэк сүрүн үөрэҕин кыһатын, Матрена Петрова аатынан олохтоох оскуола иһинэн спорка, оҕо доруобуйатын чэбдигирдиигэ аналлаах  "Дьулуур" лааҕыр аһыллан үлэтин саҕалаата. Манна  элбэх оҕолоох ыал 15  оҕото дуоһуйа  сынньанар, сайынын атаарар.

Начальнигынан директор солбуйааччыта Туйара Аргунова ананан дьоҕус коллективын сатабыллаахтык дьаһайар. Иитээччинэн Лолита Аргунова  кыһамньылаахтык үлэлиир. Кини  ыытар  ырыа, үҥкүү, уруһуй, өй оонньууларын дьарыктара, викториналара иитэр-үөрэтэр аналлаахтар. Оҕо сааска киһи оонньоон үөрэнэр, сайдар кэмэ. Билиҥҥи оҕо суотабай төлөпүөн, көмпүүтэр, телевизор иннигэр элбэхтик олорор. Бэлэм информацияны ыла үөрэммит оҕо толкуйдуур, айар дьоҕура сыппыыр. Онуоха маннык оонньуулар оҕо өйүн, оҥорон көрүүтүн, өйгө тутуутун, болҕомтотун, өйдүүр дьоҕурун сайыннараллар. Оҕо эт-хаан, өй-санаа өттүнэн сайдыылаах, логическай толкуйдаах, өйтөн айар, бириэмэни көдьүүстээхтик туһанар, дьоҥҥо-сэргэҕэ сиэрдээх сыһыаннаах, үтүө майгылаах буола улаатарыгар олук уураллар.

  Биэлсэр Мира Новгородова оҕо доруобуйатын бөҕөргөтөр  сыалтан  сарсыардааҥҥы эрчиллиини  аэробика хамсаныыларынан саҕалыыр.  Лааҕыр иитиллээччилэрэ тэтиэнэх хамсаныылартан  сэниэ ыланнар, күннэрин бэрт сэргэхтик атаараллар. Маҥан халааттаах аанньал эмтээх отторунан оҕолор күөмэйдэрин  сайҕатар. Саргылаана Иванова  дьарык буолар кабинеттарын дезинфекциялыыр, сууйа-сотор, ыраас, куттала суох буолууну хааччыйар.

Бу лааҕырга үлэнэн иитиигэ болҕомто ууруллар.  Ол курдук, оҕолор Кыайыы скверигэр араас өҥнөөх дьэрэкээн сибэккилэри олордоннор күннэтэ кыра оҕо курдук бүөбэйдииллэр.  Бу күннэргэ оҕо оонньуур былаһааккатын   ыраастыахтаахтар. Асчыт Мария  Лиханова оҕуруот аһыттан миинин,  амтаннаах салааттарын,  сибиэһэй бурдук астарын  оҕолор күҥҥэ иккитэ минньигэһиргээн сииллэр.

Доруобуйа, спорт,   Россия суверенитетын күннэригэр аналлаах араас тэрээһиннэр, күрэхтэһиилэр  бардылар.

Анастасия Корякина, Энсиэли хаhыат 

Просмотров: 117 | Добавил: wwwsemenoff | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Copyright MyCorp © 2021
ОБЪЯВЛЕНИЯ
ДИСТАНЦИОННОЕ ОБУЧ
ОРГАНИЗАЦИЯ ПИТАНИ
ГОРЯЧАЯ ЛИНИЯ
ГОРЯЧАЯ ЛИНИЯ
ТЕЛ. ДОВЕРИЯ ГИА
125-летие И.Е. Вин
150 лет системы об
75 лет Победы
100 летие ДО РС Я
Статистика

Онлайн всего: 1
Гостей: 1
Пользователей: 0
Поиск
Форма входа