Версия для слабовидящих
Главная Регистрация Вход
Приветствую Вас, Гость · RSS
Осторожно!COVID-19
Главная
ЕГЭ
ГИА-9
ВОШ
Минпрос РФ
Рособрнадзор
Минобрнауки РС(Я)
МО "Намский улус"
ИРОиПК
Российское обр.
 
Главная » 2021 » Февраль » 15 » КЫРАЧААННАР УЙАН ЭЙГЭЛЭРИН ХАРЫСТААН
09:45
КЫРАЧААННАР УЙАН ЭЙГЭЛЭРИН ХАРЫСТААН

Олунньу 12 күнүгэр, үөрэх управлениетын дьиэтигэр Саха сирин оскуола иннинээҕи саастаах оҕолору үөрэхтээһин 100 сылын бэлиэтээн уонна улуус үөрэҕириитин ситимэ 150 сылынан «Оберегая хрупкий мир малышей...» («Кырачаанар уйан эйгэлэрин харыстаан...») диэн кинигэ сүрэхтэниитэ буолан ааста.
Үөрүүлээх тэрээһиҥҥэ оҕо эйгэтигэр үлэлиир дьоҥҥо сүдү бэлэҕи оҥорбут кинигэ автордара: Саха республикатын үөрэҕириитин үтүөлээх үлэһитэ, РСФСР норуотун үөрэҕириитин туйгуна, Нам улууһун Бочуоттаах олохтооҕо Людмила Павловна Черноградская уонна Российскай Федерация уопсай үөрэхтээһинин бочуоттаах үлэһитэ, Саха республикатын үөрэҕириитин туйгуна Акулина Михайловна Полякова, улууска оскуола иннинээҕи үөрэхтээһин сайдыытыгар сүҥкэн кылааттарын киллэрбит ветеран уһуйааччылар уонна куйаар ситиминэн улуус уһуйааннара холбонон ыалдьыттаатылар. Улуус баһылыга Юрий Слепцов аатыттан социальнай боппуруостарга солбуйааччыта Мария Игнатьева куйаар ситимин нөҥүө истиҥник эҕэрдэлээтэ.
Буруолуу сылдьар үйэлээх кинигэ киһи хараҕар тута быраҕыллар дьэрэкээн ойуулаах, улахан көстүүлээх, 100 экземплярынан бэчээттэнэн тахсыбыт. Кинигэҕэ 1930 сылтан, Нам улууһугар оскуола иннинээҕи үөрэхтээһин хаһан, хайдах тэриллибититтэн саҕалаан күн бүгүнүгэр диэри үүнэн-сайдан кэлбит истоирията толору суруллар. Кинигэ үс бастан турар: «Оскуола иннинээҕи үөрэхтээһин сайдыытын туһугар», «Хас биирдии оҕо саада – үөрүү, ситиһии дьиэтэ», «Үлэлээбит үтүөлэрэ умнуллубат».
Людмила Павловна уонна Акулина Михайловна кинигэни туох санааттан, хайдах түмэн хомуйан, тоҕо итинник ааттаабыттарын о.д.а. туһунан бэрт интэриэһинэйдик кэпсээтилэр, тус санааларын үллэһиннилэр. Салгыы үөрэх управлениетын начальнига Екатерина Ядреева, солбуйааччыта Светлана Поротова уонна зум нөҥүө сэбиэдиссэйдэр сэбиэттэрин ааттарыттан Алена Михайловна Лукина кинигэ тахсыытыгар үлэлэспит дьоҥҥо махтанналар, кинигэ туһунан бэйэлэрин көрүүлэрин сэһэргээтилэр.
Үйэлэргэ өйдөбүнньүк, билиҥҥи иитээччилэргэ сырдык суолдьут буолар «Оберегая хрупкий мир малышей...» кинигэ сүрэхтэммитинэн истиҥ эҕэрдэбитин тиэрдэбит, кинигэ тахсыытыгар үлэлэспит, сүүрбүт-көппүт дьоммутугар улахан махталбытын тиэрдэбит. Улууска оскуола иннинээҕи үөрэхтээһин тэриллиэҕиттэн ыла үлэлээбит, кылааттарын киллэрбит үтүө дьоммут ааттара үйэтитиллибитэ, билигин бу эйгэҕэ үлэлиир дьоммут ахтыллыбыттара хайҕаллаах суол.

Просмотров: 43 | Добавил: Anatoly | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Copyright MyCorp © 2021
ОБЪЯВЛЕНИЯ
ДИСТАНЦИОННОЕ ОБУЧ
ОРГАНИЗАЦИЯ ПИТАНИ
ГОРЯЧАЯ ЛИНИЯ
ГОРЯЧАЯ ЛИНИЯ
ТЕЛ. ДОВЕРИЯ ГИА
125-летие И.Е. Вин
150 лет системы об
75 лет Победы
100 летие ДО РС Я
Статистика

Онлайн всего: 1
Гостей: 1
Пользователей: 0
Поиск
Форма входа