Версия для слабовидящих
Главная Регистрация Вход
Приветствую Вас, Гость · RSS
Главная
Руководство
Текущая деят...
Отделы
Прием в 1 класс
...
Статистика

Онлайн всего: 1
Гостей: 1
Пользователей: 0
Форма входа
Улусные совещания
Вести образования
ИКТ компетентность
ЕГЭ
ГИА-9
ВОШ
 
Главная » 2017 » Октябрь » 20 » Харысхал кинигэтэ сүрэхтэннэ
08:58
Харысхал кинигэтэ сүрэхтэннэ

Суруйааччы, драматург, прозаик, Саха Өрөспүүбүлүкэтин культуратын үтүөлээх үлэһитэ, Арассыыйа Улахан Литературнай бириэмийэтин лауреата Василий Егорович Васильев-Харысхал «Эргиллиэм хайаан да!» кинигэтин сүрэхтэниитэ алтынньы ый 18 күнүгэр Энсиэли хочотугар элбэх дьон сэҥээриитин ылан буолла. Өрөгөөйдөөх түгэни Олонхо диэтигэр тэрийэн ыыттылар «Нам улууһа» муниципальнай тэриллии култуураҕа уонна духуобунаска управлениета, Н.М.Рыкунов улуустаҕы библиотеката.

Кинигэ сүрэхтэниитигэр кыттыыны ыллылар: Саха сирин суруйааччыларын ассоциациятын бэрэссэдээтэлэ Олег Сидоров, «Сахамедиа» холдинг генеральнай дириэктэрин бастакы солбуйааччыта Афанасий Ноев, Ил Тумэн депутата Алексей Еремеев.

П. Ойуунскай аатынан Саха Академическай театырын артыстара Анатолий Николаев, Степанида Борисова, Айаал Аммосов уонна театыр эдэр артыстара «Тэпсиллибэт үтүө аат» пьеса-реквиемтан бастакы чаһыттан быһа тардан көрдөрдүлэр.

«Маайа эмээхсин балаҕана. Ылдьаа биир киһини сүгэн киирэр.

МААЙА (соһуйар). Хайа, бу туохпутуй?

ЫЛДЬАА. Дорообо, эдьиэй! Бу мин, Ылдьаабын!

МААЙА. Ээ, оҕом Ылдьаам эбит дии? Киһи сүгүүлээх ханналаан иһэҕиний?

ЫЛДЬАА. Балык булдугар көһүүгэ барбыт колхозтар олохторун-дьаһахтарын билсэ Кэбээйилээн иһэбин. Салгыы Эдьигээнинэн Булуҥҥа Усуйаанаҕа тиийииэхтээхпин.

МААЙА. Ыраатан иһэр эбиккин. Оттон бу аргыһын?

ЫЛДЬАА. Суолга охтубутун буллум. Хоргуйан, аччыктаан өйүн сүтэрэн охтубут быһыылаах. Хата түбэһэ кэлэн дьиэни буллардаҕым.

МААЙА. (өҥөйөҥ көрөр). Оо, отой оҕо муҥнаах эбит дии. Ханналаан иһэн быстараахтаабыта буолла? Бээ, кыра миин оҕото баара…

Маайа баран чохообулга миин аҕалан иһэрдэр.

УОЛ (өйдөнөн кэлэр). Ха-ханна баарбыный?

МААЙА. Хамаҕатта ыалыгар киирэн сытаҕын?

УОЛ. Ма-манна хайдах?..

МААЙА. Суолга охтубуккун сурдьум була аҕалла. Хантан сылдьаҕын? Ким, туох диэҥҥиний?

УОЛ. Уй-уйбаан Дьоскуоскайбын.. Одьулуун Ээнгилис холкуос биригэдьиирэбин…

ЫЛДЬАА. Ээ, көһуугэ Торуой Хомустаахха кэлбит холкуос. Ханналаан испиккиний?

УОЛ. Көмө көрдөһө бара испитим…Букатын иэдэйдибит…Киһи бөҕө хоргуйан быстарда…

МААЙА. Көһүүгэ кэлбит дьон быстарбыттар үһү. Маннааҕыларга көмөлөһүҥ диэн ыйаах ыыппыттар. Бэйэлэрэ нэһиилэ олорон тугунан көмөлөһүөхтэрэй? Хайдах-хайдах саргы сатаҕай дьаһаллаах тойоттор эбиттэрэ буолла?

ЫЛДЬАА. Эдьиэй, оттон ол саргы-сатаҕай дьаһалы сэлбийэ сатыы сылдьабын дии! Эдьиэй, бу оҕону сэниэ киллэрэн атаҕар туруор диэри олордон эр. Өйүөбүттэн хаалларыам. Мин ол Одьулууннары быыһыыр дьаһал ыла бардым. (Уолга.) Чэ, доҕор мин бардым. Эн дьоҥҥун быыһыыр туһунан дьаһал ылыахпыт.  Бэйэҥ манна сэниэ ылыаххар диэри эдьиийбэр хаалаҕын. Этэҥҥэ буол!

МААЙА. Туох баарбытынан аччыктаабыты аһатар, тоҥмуту ириэрэр саха ыала буоллахпыт. Чэ, тоойуом, этэҥҥэ сырыт.

Маай Ылдьааны сыллан ылар, Ылдьаа тахсан истэҕинэ былаҕастыбыы охсор.

УОЛ. Ити-ити… Хайаларай?..

МААЙА. Мин сурдьум Ылдьаа Дьөгүөрэбис Мөлөкүүрэп диэн. Дьокуускайга сомноркуом суут солбуйааччыта…

УОЛ (хатылыыр). Ылдьаа Дьөгүөрэбис Мөлөкүүрэп. Сомноркуом суут солбуйааччыта! Тыыннааҕым тухары умнубатах киһи!..

Бу пьесаны Харысхал биһиги биир дойдулаахпытыгар, сэрии кэмигэр сут-кураан содулугар тыылга хаалбыт саха дьоно хоргуйан быстаран эрдэхтэринэ, буруйга-сэмэҕэ тардылларыттан, хаайылларыттан-ытылларыттан куттаммакка Сталиҥҥа тиийэ туруорсан, саха дьонун өлөр өлүүттэн быыһаабыт умнуллубат үтүөлээх, республикабыт биир биллэр салаайыччытыгар, киэн туттар киһибитигэр И.Е. Винокуровка анаан суруйбута.

Үгүс дьон кыттан санааларын үллэһиннилэр, Василий Егоровичка киэн тутталларын биллэрдилэр.

Просмотров: 99 | Добавил: Anatoly | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Copyright MyCorp © 2018
Поиск
Block title
  • Телефон доверия по России: +7(495)104-68-38
  • "Телефон доверия" ГИА по РС(Я): 8(4112)42-10-28
  • "Телефон доверия" по Намскому улусу: 41-788
  • Телефон "горячей" линии по России: +7(495)984-89-19
  • Телефоны "горячей" линии по РС(Я): ЕГЭ 8(4112)42-10-46; ОГЭ 8(4112)42-10-48;
  • Телефоны "горячей" линии по Намскому улусу: 42-563; 43-099; 42-364
Календарь
«  Октябрь 2017  »
ПнВтСрЧтПтСбВс
      1
2345678
9101112131415
16171819202122
23242526272829
3031
Архив записей
Портал обр. услуг
bus.gov.ru
МО РФ
Министерство образования и науки Российской Федерации
МО РС(Я)
МО "Намский улус"
Закон об обр.
Официальный информационный портал Республики Саха (Якутия)
Первый учитель
ТЕЛ. ДОВЕРИЯ ГИА